Balvu Centrālā Bibliotēka - „Latgalīts Reigā brauc!” aba izstuode „Latgolas dvieseles tulkam Mikeļam Bukšam 100” LNB

Rudiņš ir naviņ cīši kruosains i visaiži citaiži breineigs godalaiks, bet ari laiks, kas ir boguoteigs i naīrosti darbeigs. Apkuort viss sārtojās, oranžojās… Mes natīšā veidā grybūt nagrybūt izejam bezmoksys kruosu terapeju. Roksta, ka sorkonuo kruosa aktivizej fiziskūs spākus, energeji. Oranžo stimulei sabīdriskumu i labesteibu, roda mūžu, jautru garastuovūkli. Varbīt, ka šei rudiņs terapeja izsauc tū darbeigumu i aktivitāti vysuos sferos - teik nūvuokta naviņ raža teirumūs, bet arī daudz dažaidu radūšūs izpausmju augli.

Tai nu agrā, lītainā 5. oktobra reitā braucem vērtīs, kai myusu kūpeiga dorba „auglim” kluojās plašajā pasaulī. Trejūs piecpušdīnī folklorys kūpys „Rekovys dzintars” jestrūs dzīšmu pavadeibā nūtika svineiga iztuodis „Latgolas dvieseles tulkam Mikeļam Bukšam 100” atkluošona Latvejis Nacionalījā bibliotēkā.

Kuo jau tys īprīkš beja raksteits i saceits izstuodi i izlūlojuši i taisejuši treis svareigys Latvejis instutucejis: Rēzeknes Kultūrviesturis muzejs, Latvejis Nacionaluo biblioteka i Bolvu Centrāluo biblioteka, kas šūreiz ir īzajutusēs ituo projekta vadeituojis lūmā. Projektu atbalsteja Vaļsts Kulturkapitala fonda Latgolys kulturys programma.

Jautosit, kuopiec izstuodei izvālāts taids nūsaukums? 1977.godā vīnā nu viestulem Janina Bukša roksta: “Sevi vysu jys beja zīdōjis sovai tautai. Lai izprastu Mikeli pilneigōk byutu jōlosa vysmoz jō pādejuo grōmota “Latgaļu Atmūda”. Par tū Mikels teice kaidai paziņai: “Šei grōmota man valk dvēseli ōrā”. Del tō jys laikam ir nūsaukts arī par LATGOLAS DVĒSELES TULKU. Šī vōrdi raksturoj jū vyslobōk.”

Iztuodes atkluošonys pasuokumu vadeja Bolvu Centrāluos bibliotekys vadeituoja i Bukšu ģimenes tuva draudzene  Ruta Cibule. Kuplā skaitā beja kulā īzarodušs latgalīši i Latgolai tuvi cylvāki.  Kluot beja ari ytuo pasuokuma gūda vīsi – Irene Bukšs-Ronge ar dālim Gabrielu i Mikeli.
Pasuokuma laikā izskanieja šaļtim sirsneigu vuordu.

Latvejis Nacionaluos bibliotekys direktors Andrys Vylks ar dziļu cīni i sirsneibu sovā runā atzina Mikela Bukša nūzeimeibu i davumu vysas Latgolas i Latvejas lobā. I navīns cits, kai jis nu Bolvu Centrāluos bibliotekys diretorys Rutys Cibulis rūkom sajēme duovonā pošys duorzā saplyuktuos i ari M.Bukša meiļuokuos pučes – dzaltonuos nagadcenys.

Ļūti mīļa piļsāta Mikeļam Bukšam ir bejuse Riezekne – ar sovim zaļajīm parkim, akmens īlom i „gaismas pili”- skūlu, kuru jis laikam ejūt absolvej, tī struodoj i voda –tai jū raksturuoja Riezeknes Kulturviestures muzeja direktore Anastasija Strauta. Pībylstūt, ka te jis sateik sovu myuža mīlesteibu Janinu i te sagaida jūs pyrmuos meitas pīdzymšonu. Nu redz, na veļti Riezekni sauc par piļsātu Latgolas sirdī.

Sveicinuodams vysus ar pozitiva humora pylnim vuordim: „Vasali latgalīši, Reigys latgalīši, zvīdru latgalīši i puorejī … toža cylvāki” sovu runu suoce Bolvu nūvoda dūmis prīkšsādātuojs Andrys Kazinovskis i lepni uzsviere, ka Mikeļs Bukšs ir latgalīšu dižveirs, kas ir izdariejs nanūviertejumu dorba. Latgalīšu rūkuos nu ir spieceigi argumenti, kas apkūpuoti Bukša gruomotuos, lai aiztuoveitu i stiprinuotu sovu latgalīšu identitati.  

Brigita Cīrule runuo par Mikeli Bukšu i īmeslim, parkū jis sovu dzeivi saistē ar klasiskū filologeji – vacuokū i plašuokū filologejis nūzari. Dzymtuos vītys izjiuta jam ir šyupelī īlykta i B. Cīrule jū uzskota par izciluokū latgalīti, kas daudz ir dariejs, lai Lagolys vuords  izskanātu pasaulī.

b 013
b 018
b 019
b 021
b 025
b 028
b 029
b 035
b 042
b 044
b 046
b 047
b 050
b 060
b 061
b 063
b 068
b 075
b 085
b 088
b 091
b 109
 
 
 
Powered by Phoca Gallery

Izmēģini kataloga mobilo versiju!