Ziņas
Labo stāstu konkurss |
| Ievietoja: Viļakas bibliotēka (biblio) Oct 27 2009 |
Bīdreiba “Latgolys Studentu centrs” aicynoj pīsadaleit jaunīšu lobūs stuostu konkursā.Teik gaideiti stuosti par myusu dīnom, kurūs teik pausts jaunīšu redziejums iz myusu laika Latveju, kasdīnys dzeivis nūvāruojumi, sovs vīdūklis i pozitivys izejis mekliejumi – dzeivē voi fantazejā, pa smīklam voi nūpītnai.
Kab sekmeitu jaunīšu interesi par myusu dīnu Latvejā nūtīkūšajim socialajim i literarajim procesim, kai ari mudynuotu taišni jaunīšus kai nuokūtnis sabīdreibys daļu dūmuot i izsaceit sovu redziejumu par šudiņdīnys pasauli i juo puormainem, bīdreiba „Latgolys Studentu centrs” izsludynoj stuostu konkursu.
Konkursā var pīsadaleit školāni, studenti i jaunīši da 25 godu vacuma. Stuosti īsnīdzami latgalīšu rokstu voi latvīšu literarajā volūdā.
Dorbu īsyuteišona
Rezultati i apbolvuošona
- Rodūšūs dorbus syuteit bīdreibys „Latgolys Studentu centrs” Reigys birojam, Antonejis īlā 8-3/6, Reiga, LV – 1010, ar nūruodi „Rodūšūs dorbu konkursam” da 2009. goda 21.decembra (posta zeimūgs, syutūt pa postu) voi iz e-postu: lgsc@inbox.lv.
- Lyudzam nūruodeit: vuordu, uzvuordu, vacumu, vuiceibu īstuodi, e-postu i kontakteleponu.
- Lobuokī dorbi tiks publiceiti stuostu izlasē i portalā www.lakuga.lv
- Rezultatu paziņuošona 2010. goda janvarī, apbolvuošona 2010. goda pavasarī Reigā gruomotys prezentacejis laikā.
Info: Portālā www.latgale.lv
Pēdējās izmaiņas: Oct 27 2009 13:26:46
AtpakaļKomentāri
Pievienot komentāru